صدرعارف علوی نے آسیان کے رکن ممالک کو پاکستان کے خصوصی اقتصادی زونز میں سرمایہ کاری کرنے کی دعوت دی ہے۔

 چین کے صوبے گوانگ شی ( Guangxi )میں آج 17 ویں چین آسیان ایکسپو کی تقریب سے آن لائن خطاب کرتے ہوئے انہوں نے کہا کہ پاکستان میں سرمایہ کاری کےلئے شاندار مواقع موجود ہیں۔

 صدر مملکت نے کہا کہ پاکستان میں کاروبار کےلئے آسانیاں پیدا کی گئی ہیں اور حکومت کی جانب سے معاشی و تجارتی اصلاحات کے مثبت نتائج برآمد ہورہے ہیں۔

 انہوں نے ٹیکسٹائل ، کھانے،پینے کی اشیا، گوشت اورسبزیوں کی چین اور آسیان ممالک کو برآمد کی ضرورت پرزوردیا۔