لندن میں قائم معروف پالیسی ساز ادارے انٹر نیشنل انسٹیٹیوٹ آف سٹرٹیجک سٹڈیز نے خبردار کیا ہے کہ بھارت کے پاکستان کے ساتھ مسئلہ کشمیر پر مذاکرات سے مسلسل انکار کی پالیسی سے علاقائی اور بین الاقوامی امن کو سنگین خطرہ لاحق ہے۔
جنوبی ایشیا کے بارے میں اپنی تازہ ترین رپورٹ میں انسٹیٹیوٹ نے کہا کہ بھارت اور پاکستان کے درمیان حکومتی سطح پر مذاکرات اوردر پردہ سفارتکاری نہ ہونے کی وجہ سے غلط فہمیاں اور بد گمانیاں بڑھ رہی ہیں۔
رپورٹ میں کہا گیا کشمیر دونوں ملکوں کے درمیان بنیادی تنازع ہے اورکسی بھی طرف سے کسی قسم کے حملے سے اس تنازعے پر کشیدگی خطرناک رخ اختیار کرسکتی ہے۔
رپورٹ میں کہا گیا کہ بھارت نے اپنے غیرقانونی زیر قبضہ جموں و کشمیر کی خصوصی حیثیت ختم کرنے کے بعد وہاں مواصلاتی رابطوں اور سرگرمیوں پر پابندی لگا دی ہے۔