سندھ کے گورنر محمد زبیر نے کہا ہے کہ پاکستان اور جاپان کے درمیان اقتصادی تعلقات کی مضبوطی سے پاکستان میں غربت میں کمی اور ترقی کی رفتار تیز کرنے میں مدد ملے گی۔انہوں نے  پیر کے روز کراچی میں پاکستان میں کام کرنے والی جاپانی کمپنیوں کے نمائندوں کے ایک وفد سے ملاقات میں کہا کہ کئی ملٹی نیشنل کمپنیاں کامیابی سے شہر میں کام کر رہی ہیں۔جاپانی تاجروں نے گورنر کو بتایا کہ ان کی کمپنیاں کراچی میں مزید سرمایہ کاری کرنے میں دلچسپی رکھتی ہیں۔ادھر پاکستان میں فلپائن کے سفیر کی سربراہی میں پاکستان فلپائن بزنس فورم کے ایک وفد نے بھی کراچی میں گورنر سے ملاقات کی اور پاکستان میں کاروباری مواقع پر تبادلہ خیال کیا۔