گورنر پنجاب چوہدری محمد سرور اور وزیراعلیٰ عثمان بزردار نے آج لاہور میں یوم سیاہ کے حوالے سے ایک واک کی قیادت کی۔ واک کامقصد بھارت کے غیر قانونی زیرتسلط جموں وکشمیر میں بھارتی مظالم کی جانب توجہ مبذول کراناتھا۔واک کے شرکاء سے خطاب کرتے ہوئے گورنر پنجاب نے کہاکہ ایک دن کشمیریوں کی جدوجہد رنگ لائے گی اور بھارت کوانہیں حق خودارادیت دیناپڑے گا۔انہوںنے حضرت محمد ۖ خاتم النبین کے گستاخانہ خاکوں کی تشہیر کی بھی شدید مذمت کی اورکہاکہ یہ آزادی اظہار رائے کے خلاف کیونکہ اس سے کروڑوں مسلمانوں کی دل آزاری ہوئی ہے۔