Wednesday, 12 August 2020, 08:38:50 am
سی پیک کےتحت پاکستان میں غیرملکی سرمایہ کاری میں 91فیصد اضافہ ہوا،چینی دانشور
July 27, 2020

      چین کے معروف دانشور پروفیسر Zhou Rong نے کہا ہے کہ پاکستان میں براہ راست غیر ملکی سرمایہ کاری میں 91 فیصد کا مجموعی اضافہ بنیادی طورپر چین پاکستان اقتصادی راہداری کے تحت توانائی کے منصوبوں میں چینی سرمایہ کاری بڑھنے سے ہوا ہے۔

 چائنہ اکانومک نیٹ میں شائع ایک مضمون میں انہوں نے لکھا ہے کہ پاکستان میں نئی غیرملکی سرمایہ کاری راغب کرنے کےلئے عالمی کمپنیوں کی مالی حالت دوبارہ مستحکم ہونا ضروری ہے۔

 انہوں نے کہاکہ پاکستانی حکومت نے پورے نظام کے قیام کےلئے 2022 کی حتمی مدت مقرر کررکھی ہے جس پر عملدرآمد کےلئے چھ کروڑ70لاکھ ڈالر خرچ ہوں گے۔

انہوں نے کہا کہ سرمایہ کاروں نے جنوبی ایشیا کے دوسرے ملکوں کی نسبت پاکستان میں رواں مالی سال برآمدات ، درآمدات اور راہداری تجارت پر حکومتی قواعد و ضوابط کی پاسداری کے حوالے سے 50 کروڑ ڈالر سے زائد لگائے۔