عوامی جمہوریہ کانگو میں تعینات اقوام متحدہ کے مشن میں کام کرنے والی پہلی پاکستانی خواتین ٹیم کی سربراہ میجر صبا انور نے کہاہے کہ سخت محنت کے بل بوتے پر ہم نے مقامی لوگوں کے ساتھ مضبوط مراسم قائم کئے ہیں جو وسطی افریقی ملک میں امن کے فروغ کےلئے عالمی ادارے کی کوششوں کا حصہ ہے۔
اےپی پی کو دیے گئے آن لائن انٹرویو میں انہوں نے کہا کہ تحفظ بڑھانے سے علاقے میں تشدد کےواقعات ،بچوں کی عسکریت پسندی کےلئے بھرتی اور مسلح گروپوں کی طرف سے لاحق خطرات میں کمی آئی ہے۔
انہوں نے کہا کہ کانگو میں خواتین افسروں نے باآسانی خواتین کے ساتھ رابطے قائم کئے اور ٹیم کو اپنی ذمہ داری موثر طورپر ادا کرنے کے قابل بنانےکےلئے ان کے مسائل بہتر طور پر سمجھے۔