فائل فوٹو
وزیراعظم عمران خان نے کہا ہے کہ بھارت میں ہندوتوا بالادستی کے نظریے کی حامل مودی حکومت نازی طرز کی اپنی متکبرانہ توسیع پسندی کی پالیسیوں کے باعث ہمسایہ ملکوں کےلئے خطرہ بن رہی ہے۔
آج اپنے ٹویٹس میں انہوں نے نیپال اور چین کے ساتھ بھارت کے سرحدی تنازعات کا حوالہ دیا۔
وزیراعظم نے کہا کہ پاکستان کو جھوٹے جعلی آپریشن کا خطرہ ہے جبکہ شہریت کے متنازع قانون سے بنگلہ دیش کو خطرہ لاحق ہے۔
انہوں نے کہا کہ یہ سب مقبوضہ جموں و کشمیر کےغیر قانونی الحاق کے بعد ہورہا ہے جو چوتھے جینوا کنونشن کے تحت جنگی جرم اور اس اقدام کا مقصد آزاد جموں و کشمیر کےلئے دعویٰ کرنے کی راہ ہموار کرتا ہے۔
عمران خان نے کہاکہ میرا ہمیشہ یہ موقف رہاہے کہ فسطائی مودی حکومت نہ صرف بھارت کی اقلیتوں کو دوسرے درجے کے شہریوں کی حیثیت دیتے ہوئے ان کےلئے خطرہ ہے بلکہ اس نے علاقائی امن بھی داوپر لگادیا ہے۔
