اطلاعات ونشریات کے وزیر چوہدری فواد حسین نے کہا ہے کہ طالبان سے براہ راست بات چیت ہی انسانی المیے سے بچنے کا واحد راستہ ہے۔خبر رساں ادارے رائٹر کو دئیے گئے ایک انٹرویو میں انہوں نے کہا کہ ان روابط سے انسانی حقوق کے تحفظ اور ایک وسیع البنیاد حکومت کے قیام کی راہ ہموار ہو گی۔چوہدری فواد نے کہا کہ اب وقت ہے کہ امریکہ ، چین اور دوسرے ممالک افغانستان کی نئی حکومت کو باضابطہ تسلیم کریں اور طالبان حکومت کے بعض ارکان پر اقوام متحدہ کی پابندیاں ختم کرنے کیلئے لائحہ عمل وضع کریں۔