Saturday, 20 July 2019, 06:19:14 am
وزیراعظم کی پاکستان ہاؤسنگ پروگرام کے تحت منصوبوں پر کام کی رفتار تیز کرنے کی ہدایت
June 26, 2019

وزیراعظم عمران خان نے اسلام آباد میں پاکستان ہاؤسنگ پروگرام کے تحت شروع کئے گئے منصوبوں پر کام کی رفتار تیز کرنے کی ہدایت کی ہے۔

وہ بدھ کے روز اسلام آباد میں پاکستان ہائوسنگ پروگرام کے بارے میں ایک اجلاس کی صدارت کررہے تھے۔

وزیر اعظم نے وفاقی دارالحکومت کے ترقیاتی ادارے کو شجرکاری مہم کو مزید موثر بنانے پر زوردیا۔

انہوں نے سبزہ زاروں اور جنگلات کے تحفظ پر خصوصی توجہ دینے کی ضرورت پر زور دیا۔

اجلاس میں پاکستان ہائوسنگ منصوبوں پر پیشرفت کا جائزہ لیا گیا۔

ادھر ارکان قومی اسمبلی شیر علی، ارباب نورین ،فاروق ابراہیم اور محمد اسلم بھوتانی نے آج اسلام آباد میں وزیراعظم عمران خان سے ملاقات کی اور ملک کی مجموعی صورتحال پر تبادلہ خیال کیا۔

تحریک انصاف کے رہنما بابر اعوان نے بھی اسلام آباد میں وزیر اعظم سے ملاقات کی اور سیاسی صورتحال پر بات چیت کی۔