Sunday, 15 September 2019, 10:56:14 pm
افغانستان میں قیام امن امریکہ کی اولین ترجیح ہے:امریکی وزیر خارجہ
June 26, 2019

File Photo

امریکہ کے وزیرخارجہ مائیک پومپیو نے کہا ہے کہ افغانستان میں قیام امن امریکہ کی اولین ترجیح ہے تاہم ابھی تک وہاں سے فوج کے انخلاء کے لئے نظام الاوقات پر اتفاق نہیں کیا گیا ہے۔

یہ بات انہوں نے بھارت کے دورے پر جاتے ہوئے کابل میں اپنے مختصر قیام کے دوران افغان قیادت کے ساتھ ملاقاتوں کے بعد کہی۔انہوں نے کہا کہ تمام فریقوں نے اتفاق کیاہے کہ دہشت گردی کے خلاف امریکہ طالبان سمجھوتے کو حتمی شکل دینے اور وہاں غیرملکی فوجیوں کی موجودگی سے افغانوں کے درمیان مذاکرات کی راہ ہموارہوگی۔مائیک پومپیو نے امیدظاہر کی کہ اس سال یکم ستمبر سے پہلے امن معاہدہ طے پانے کی توقع ہے۔