کوروناوائرس کےبارے میں وزیراعظم کے ریلیف فنڈ میں چار ارب روپے سے زائد جمع ہوچکے ہیں۔
پاکستان تحریک انصاف کے رہنما سینیٹر فیصل جاوید نے آج ایک ٹویٹ میں امداد دینے والوں کی فراخدلی اور سخاوت کو سراہا۔
انہوں نے کہا کہ یقیناً یہ ایک نیک مقصد ہےاور حکومت فنڈ کےلئے دئیے جانے والے ہر روپے کے بدلے چار روپے دے گی۔
ادھر نیشنل کمانڈ اینڈ آپریشن سنٹر کا اجلاس آج اسلام آباد میں ہوا۔
اجلاس میں ملک میں کوروناوائرس کی صورتحال اور اس کے پھیلاو کو روکنے کےلئے کئے جانےوالے اقدامات کا جائزہ لیا گیا۔
