تجارت اور سرمایہ کاری کے بارے میں وزیراعظم کے مشیر عبدالرزاق داود نے کہاہےکہ موجودہ مالی سال کے پہلے دس ماہ کے دوران گزشتہ مالی سال کے اسی عرصے کی نسبت براہ راست خالص غیرملکی سرمایہ کاری میں ایک سو چھبیس فیصد اضافہ ریکارڈ کیا گیا ہے۔
آج اسلام آبادمیں اے پی پی سے گفتگو کرتے ہوئے انہوں نے کہا کہ حالیہ برسوں میں کئی وجوہات کی بنا پر ملک تیزی سے سرمایہ کاروں کی توجہ حاصل کررہا ہے۔
مشیر تجارت نے کہا کہ سرمایہ کاروں کوسہولت دینے اورکاروبار کرنے میں آسانی پیدا کرنے کو یقینی بنانے کےلئے اصلاحات کی قیادت وزیراعظم خود کررہے ہیں۔
انہوں نے مزید کہا کہ اس بات میں کوئی شک نہیں کہ کوروناوائرس نے پاکستان سمیت دنیابھر میں کاروباری سرگرمیوں کو سست کیا ہے۔