فائل فوٹو
تعلیم اور پیشہ وارنہ تربیت کے وزیر شفقت محمود نے تاجر برادری کو ملک میں صنعتوں کی بڑھتی ہوئی ضروریات پوری کرنے کی غرض سے ہنرمندبنانے کیلئے مکمل تعاون کا یقین دلایا ہے۔
پاکستان کے ایوان ہائے صنعت وتجارت کی فیڈریشن کے ارکان کے ساتھ کراچی میں ایک اجلاس کے دوران گفتگو کرتے ہوئے انہوں نے کہا کہ حکومت اعلی ٹیکنالوجی کے پیشہ وارانہ تربیتی پروگرام شروع کرنے کیلئے صنعتوں کو تمام سہولتیں اور فنڈز فراہم کرنے کیلئے تیار ہے۔
وفاقی وزیرنے کہاکہ حکومت ہرصوبے میں ہنرمندی کے فروغ کی کونسلیں قائم کرے گی۔
انہوں نے کہاکہ میری وزارت منصوبہ بندی وترقیاتی کمیشن کواکیس ارب روپے مالیت کے پیشہ وارانہ تربیت کے مختلف منصوبے پہلے ہی پیش کرچکی ہے۔
انہوں نے کہاکہ ترکی کی حکومت کے ساتھ شراکت داری کے تحت حکومت پیشہ وارانہ تربیت کے مختلف پروگرام شروع کرنے پربھی کام کررہی ہے۔
