فرانس کے صدر ایمنوئل میکرون نے کہا ہے کہ پیرس2015 کے ایران کے جوہری معاہدے سے الگ نہیں ہوگا اورامریکی خدشات دورکرنےکےلئے ایران کے ساتھ جامع معاہدے کےلئے کوشش کرے گا۔
امریکی کانگریس اپنے خطاب میں میکرون نے کہا کہ ایران کی ایٹمی سرگرمیوں کو کنٹرول کرنے کے لئے لائحہ عمل موجود ہے۔
فرانسیسی صدر نے کہا کہ کسی ٹھوس ثبوت کے بغیرایران کے ساتھ 2015کا معاہدہ ختم نہیں کیا جانا چاہیے۔
میکرون نے کہا کہ وہ اس بارے میں پرامید ہیں کہ عالمی حدت کے مسئلے سے نمٹنے کےلئے امریکہ، پیرس معاہدے میں دوبارہ شامل ہوگا۔