پاکستان براڈ کاسٹنگ کارپوریشن کی ڈائریکٹر جنرل عنبرین جان نے کہا ہے کہ پی بی سی کے ملازمین کے حقیقی مسائل ترجیحی بنیاد پر حل کرنے کیلئے کوششیں کی جارہی ہیں۔انہوں نے یہ بات جمعہ کے روز کوئٹہ میں ایڈیشنل چیف سیکرٹری ہوم بلوچستان ارشد مجید سے ملاقات کے دوران کہی۔ملاقات کے دوران ریڈیوپاکستان سے متعلق امور پر تبادلہ خیال کیا گیا۔ڈائریکٹر جنرل نے کہاکہ کوئٹہ میں جلد نیا ڈیجیٹل ٹرانسمیٹر نصب کیاجائے گا تاکہ مقامی آبادی کو معلومات ، تعلیم اور تفریح پرمبنی بہتر خدمات فراہم کی جاسکیں۔ملاقات کے دوران گوادر میں پی بی سی کی نئی عمارت کی تعمیر سے متعلق امور پر غور کیاگیا۔بعد میں ڈائریکٹر جنرل پی بی سی عنبرین جان نے محکمہ پبلک ورکس اور QESCO کے دفاتر کا بھی دورہ کیا جہاں پی بی سی سے متعلق امور پر بات چیت کی۔