وزیر خارجہ شاہ محمود قریشی نے کوروناوائرس کی وبا سے موثر طور پر نمٹنے کےلئے علاقائی سطح پر مشترکہ حکمت عملی وضع کرنے پر زور دیا ہے۔
بھوٹان کے ہم منصب ڈاکٹر Tandi Dorji کے ساتھ آج ٹیلیفون پر گفتگو کرتے ہوئے انہوں نے کہا کہ پاکستان علاقائی ممالک کے درمیان اس مسئلے پر جامع مشاورت کےلئے سارک وزرائے صحت کی ویڈیو کانفرنس منعقد کرانا چاہتا ہے۔
بھوٹان کےوزیرخارجہ نے سارک کے وزرائے صحت کی ویڈیو کانفرنس کرانے کی پاکستان کی تجویز کی حمایت کی، انہوں نے ترقی پذیر ملکوں کے قرضوں کی ادائیگی پر نظرثانی کےلئے بھی پاکستان کی کوششوں کی تعریف کی۔