کورونا وائرس کے پھیلاؤ کو روکنے اور دوسرے لوگوں کو اس وباء سے بچانے کا واحد طریقہ احتیاطی تدابیر اختیار کرنا ہے۔
صحت کے ماہرین کے مطابق سماجی فاصلے، خصوصاً عوامی مقامات پر کسی چیز کو چھونے کے بعد اچھے طریقے سے ہاتھ دھونا، چھینک یا کھانسی کرتے وقت منہ کو ڈھانپنا اور ماسک کا استعمال احتیاطی تدابیر ہیں جن پر وائرس کے خلاف جنگ کے دوران عملدرآمد یقینی بنانا چاہئے۔ہجوم سے گریز کرنا، بیمار افراد سے رابطہ ، ہاتھ ملانااور گلے ملنابند کر دینا اس وباء سے انسانیت کو بچانے میں مددگار ہو سکتا ہے۔صحت کے ماہرین نے عوام کو غیرضروری سفراوراجتماعات میں جانے سے اجتناب برتنے، جن علاقوں میں یہ وائرس ہے وہاں لائٹس جلانے یابجھانے کے لئے پن کااستعمال کرنے، وائرس سے متاثرہ مریض کابستراستعمال نہ کرنے اوردستانے پہننے کی تجویزدی ہے۔(این این آر، وہاج بشیر)