امریکہ نے مقبوضہ کشمیر کے سابق وزرائے اعلیٰ عمر عبداللہ اور ڈاکٹر فاروق عبداللہ کی رہائی کا خیرمقدم کرتے ہوئے بھارتی حکومت پر زور دیا ہے کہ وہ تمام کشمیری سیاسی رہنماوں کو بھی رہا کرے۔
ان خیالات کاا ظہار جنوبی اور وسطی ایشیا کے بارے میں امریکی قائم مقام نائب وزیرخارجہ Alice Wells نے نیشنل کانفرنس کے نائب صدر عمر عبداللہ کی رہائی کےایک روز بعد کیا جنہیں کالے قانون پبلک سیفٹی ایکٹ کے تحت گرفتار کیاگیا تھا۔
قائم مقام نائب وزیرخارجہ نے بھارتی حکومت پر زور دیا کہ وہ مقبوضہ کشمیر میں انٹرنیٹ سروسز کو بھی مکمل طور پر بحال کرے۔