مقبوضہ کشمیر میں کل جماعتی حریت کانفرنس کے چیئرمین سید علی گیلانی اورمیرواعظ عمرفاروق کی سربراہی میں حریت فورم نے کالے قانون پبلک سیفٹی ایکٹ حریت رہنماوں اور کارکنوں کی بڑے پیمانے پر پکڑ دھکڑ اور انہیں کشمیر سے باہر جیلوں میں منتقل کئے جانے کی مذمت کی ہے۔
علی گیلانی نے ایک بیان میں کہا کہ بھارت کا دنیا کی بڑی جمہوریت ہونے کا دعویٰ محض دھوکہ اور فریب ہے کیونکہ اس نے ہر جمہوری اقدار کی دھجیاں بکھیری ہیں۔
میرواعظ کی سربراہی میں فورم نے ایک بیان میں جموں و کشمیر لبریشن فرنٹ پر پابندی کی بھی مذمت کی۔
