پارلیمانی امور کے وزیر مملکت علی محمد خان نے کہا ہے کہ پاکستان ان ملکوں میں شامل ہے جن کی معیشت انتہائی تیزی سے ترقی کررہی ہے۔ انہوں نے ریڈیو پاکستان کے حالات حاضرہ کے پروگرام میں گفتگو کرتے ہوئے کہاکہ پاکستان کے پاس موجود بے پناہ قدرتی وسائل اور اہم جغرافیائی محل وقوع کی وجہ سے ملنے والے مواقع معیشت کی تیز ترقی میں مدد کرسکتے ہیں۔ علی محمد خان نے کہا کہ طویل مدتی، منصوبے شروع کئے جائیں گے جس کے معیشت پر دوررس اثرات مرتب ہوں گے۔ انہوں نے کہا کہ سابق حکومتوں کی جانب سے چھوڑے گئے حسابات جاریہ کے خسارے نے معیشت پر بوجھ ڈالا اور عام آدمی معاشی ترقی سے برا ہ راست فائدہ اٹھانے کے قابل نہیں ہوسکا۔