قومی تحفظ خوراک اور تحقیق کے وفاقی وزیر سید فخر امام نے ملکی معیشت مضبوط بنانے کیلئے زرعی شعبے میں جدید طریقہ کار اپنانے کی ضرورت پر زوردیا ہے۔
آج(بدھ) فیصل آباد میں ایک اجلاس سے خطاب کرتے ہوئے انہوں نے کہاکہ ہمارے ہمسایہ ممالک جدید زرعی طریقے اپنانے کے باعث تیزی سے ترقی کررہے ہیں۔وفاقی وزیر نے کہاکہ حکومت نے قومی تحفظ خوراک اورتحقیق کی وزارت کا ترقیاتی بجٹ ایک ارب سے بڑھا کر تیس ارب روپے کردیا ہے ۔انہوں نے کہاکہ حکومت خوراک کے تحفظ اور زرعی پیداوار بڑھانے کیلئے چین کے سائنسدانوں کے کام سے استفادہ کرے گی۔
