بحرین کے ولی عہدڈپٹی سپریم کمانڈراوروزیراعظم شہزادہ سلمان بن حمدبن عیسی الخلیفہ نے وزیراعظم عمران خان کو ٹیلی فون کیا اور گزشتہ جمعرات کو لاہورمیں دہشت گردوں کے حملے کی شدید مذمت کی ۔بحرین کے ولی عہد نے سوگوارخاندانوں سے دلی تعزیت کی اور پاکستان کی حکومت، عوا م اور قیادت کے ساتھ یکجہتی کااظہارکیا۔وزیراعظم عمران خان نے اپنی طرف سے ہرقسم کی دہشت گردی کے خلاف لڑنے کے لئے پاکستان کے عزم کااعادہ کیا۔دونوں رہنماوں نے باہمی تعلقات مزید مضبوط بنانے اور مختلف فورمز پر تعاون بڑھانے سمیت باہمی دلچسپی کے علاقائی اور عالمی امور پر قریبی رابطے کے طریقوں پر بھی تبادلہ خیال کیا۔
