امریکہ نے یوکرین میں فوج کی تعیناتی مسترد کردی ہے۔ واشنگٹن میں صحافیوں سے گفتگو کرتے ہوئے امریکی صدر جوبائیڈن نے کہا کہ ان کی انتظامیہ یا نیٹو کے رکن ملکوں کا یوکرین فوج بھیجنے کا کوئی ارادہ نہیں ہے تاہم اگر روس یوکرین پر حملہ کرتا ہے تو اسے سنگین معاشی نتائج کا سامنا کرنا پڑے گا۔ امریکہ کے محکمہ دفاع کے تقریبا ساڑھے آٹھ ہزار فوجیوں کی تعیناتی کیلئے تیاری سے متعلق ایک دن پہلے کے انتباہ کے حوالے سے جوبائیڈن نے کہا کہ یہ محض امریکی کارروائی کی بجائے نیٹو کی کارروائی ہوگی جو اجتماعی دفاعی ذمہ داری سے متعلق امریکہ کے عزم کا اظہار ہے۔