اطلاعات ونشریات کی وزارت نے ایک کمیٹی قائم کی ہےجو میڈیا اشتہارات کے بارے میں پاکستان مسلم لیگ (ن) کی رہنما مریم نواز کے انکشافات کی تحقیقات کرے گی۔
کمیٹی مسلم لیگ(ن) کےگزشتہ دور حکومت کے دوران ذرائع ابلاغ کو اشتہارات دینے میں کی گئی بے ضابطگیوں، میڈیا سیل کے ذریعے من پسند صحافیوں اورمختلف ذرائع ابلاغ گروپوں کو نوازنے سے متعلق اپنی رپورٹ تیار کرے گی۔
مریم نواز کی سربراہی میں میڈیا سیل کے تحت قومی خزانے سے 9 ارب 62 کروڑ روپے خرچ کئے گئے۔
