پاکستان نے افغانستان میں پاکستانی قیدیوں کی رہائی کے لئے افغان صدراشرف غنی کے حکمنامے کاخیرمقدم کیاہے۔یہ قیدی اپنی قیدکی مدت پوری کرچکے تھے تاہم جرمانوں کی عدم ادائیگی کے باعث جیلوں میں قیدتھے یاان کی سزا کی مدت ایک ماہ سے کم رہ گئی تھی۔دفترخارجہ کے ترجمان زاہدحفیظ چودھری نے ایک بیان میں کہاکہ پاکستان اس انسانی جذبہ کو سراہتاہے جس سے ان افراداوران کے اہلخانہ کوریلیف ملے گا۔انہوں نے کہاکہ پاکستان باہمی روابط جاری رکھنے کے عزم کااعادہ کرتاہے جس سے دونوں ممالک کے لوگوں کو سہولت اورفائدہ پہنچے گا۔