پنجاب کے گورنر چوہدری محمد سرور نے کہا ہے کہ کورونا وائرس کا خاتمہ نہیں ہوا اور اس سے بچنے کیلئے احتیاطی تدابیر پر عملدر آمد کو یقینی بنایا جائے۔ وہ اتوار کے روز لاہور میں گورنر ہائوس میں ''کورونا وال'' کے افتتاح کے بعد بات چیت کر رہے تھے۔ انہوں نے کہا کہ اس دیوار کی تعمیر کا مقصد کورونا کے خلاف جنگ کرنے والے ہیروز کو خراج تحسین پیش کرنا ہے۔ انہوں نے معاشرے کے ان تمام طبقات کو سراہا جنہوں نے کورونا وبا کے دوران اہم کردار ادا کیا۔