وزیراعظم عمران خان نے دہشت گردی کےخلاف جنگ میں سکیورٹی اداروں کی قربانیوں اورملک میں سکیورٹی کی صورتحال میں بہتری کو سراہا۔
آج اسلام آباد میں انسداد دہشت گردی کے قومی ادارے نیکٹا کے بورڈ آف گورنرز کے پہلے اجلاس کی صدارت کرتے ہوئے انہوں نے کہا پاکستان دہشت گردی اور انتہا پسندی کےخلاف اپنی جنگ میں سرخرو ہوا ہے۔
وزیراعظم نے کہا کہ نئے زمینی حقائق نیکٹا کےکردار کا جائزہ لینے کے متقاضی ہیں تاکہ اسے پوری طرح فعال اور ایک واضح ذمہ داری کا حامل موثرا دارہ بنایا جاسکے۔
اجلاس میں ادارے کے کردار اور کارکردگی کا جائزہ لینے کےلئے کمیٹی تشکیل دینے کا فیصلہ کیاگیا کمیٹی ایک ہفتے میں وزیراعظم کواپنی سفارشات پیش کرےگی۔