چیف جسٹس میاں ثاقب نثار نے امل کیس میں ایک کمیٹی تشکیل دینے کی ہدایت کی ہے۔
انہوں نے یہ ہدایت دس سالہ بچی امل کی ہلاکت سے متعلق ازخود نوٹس کی سماعت کے دوران دی جو گزشتہ مہینے گولی لگنے سے جاں بحق ہوگئی تھی۔
کمیٹی اس کی موت کے بارے میں حالات و واقعات کی تحقیقات کرے گی اور ہسپتال میں علاج معالجے کی سہولتیں بہتر بنانے کے لئے سفارشات دے گی۔
عدالت عظمیٰ نے بچی کی ہلاکت سے متعلق ازخود نوٹس کی سماعت جمعرات تک ملتوی کردی۔