بری فوج کے سربراہ جنرل قمر جاوید باجوہ نے پاکستان ملٹری اکیڈمی کے کیڈٹس پر زور دیا ہے کہ ملک کے وقار اور سلامتی کو ہمیشہ مقدم رکھیں۔پاک فوج کے شعبہ تعلقات عامہ کے مطابق وہ پاکستان ملٹری اکیڈمی کاکول کی فیکلٹی اور کیڈٹس سے گفتگو کر رہے تھے۔بری فوج کے سربراہ نے کہا کہ پیشہ وارانہ مہارت اور قائدانہ صلاحیتوں پر توجہ مرکوز کرنے اور پاک فوج کے وقار، یکجہتی اور بے لوث خدمت جیسی عظیم روایات کو برقرار رکھنے کیلئے کوششیں کرنے کی ضرورت پر بھی زور دیا۔بری فوج کے سربراہ کو کمانڈنٹ میجرجنرل اختر نواز ستی نے کیڈٹس کی صلاحیتوں کو بہتر بنانے کیلئے اکیڈمی کے مختلف پیشہ وارانہ پہلوؤں پر بریفنگ دی۔