اطلاعات کے بارے میں وزیراعظم کی معاون خصوصی فردوس عاشق اعوان نے کہا ہے کہ بھارت کے ساتھ تعلقات سے قطع نظر بابا گورونانک کے پانچ سوپچاسویں جنم دن اور دیگر مذہبی مقامات کی زیارات کے سلسلے میں دربار صاحب کرتارپور آنے والے سکھ یاتریوں کے لئے پاکستان کے دروازے کھلے ہیں۔
لاہور میں پریس کانفرنس سے خطاب کرتے ہوئے انہوں نے ان افواہوں کو مسترد کردیا کہ پاکستان نے کشمیر کے معاملے پر بھارت کے ساتھ تعلقات میں کشیدگی کے بعد کرتارپور راہداری پر کام روک دیا ہے۔
انہوں نے کہا کہ کرتارپور راہداری کا رواں سال نومبر میں افتتاح کیا جائیگا۔