اطلاعات ونشریات کے بارے میں وزیراعظم کی معاون خصوصی ڈاکٹر فردوس عاشق اعوان نے کہا ہے کہ چیئرمین نیب کی متنازعہ آڈیو ٹیپ کا معاملہ حزب اختلاف کی جانب سے حکومت اور قومی اداروں کی ساکھ کو نقصان پہنچانے کی مذموم کوشش ہے۔
انہوں نے لاہور میں صحافیوں سے گفتگو کرتے ہوئے کہا کہ منی لانڈرنگ اور بدعنوانی کے مقدمات میں عدالتوں کو مطمئن کرنے میں ناکامی کے بعد حزب اختلاف نے میڈیا میں خود ساختہ آڈیوٹیپ کی تشہیر سے چیئرمین نیب کی ساکھ کو نقصان پہنچانے کی روش اختیار کی ہے۔