وفاقی حکومت نے گزشتہ چار مالی سالوں کے دوران انسانی حقوق کی وزارت کے تحت پانچ سو چھیانوے مستحقین کی مالی امداد کیلئے 70 لاکھ روپے کے فنڈز جاری کیے ہیں۔سرکاری بیان کے مطابق یہ فنڈز انسانی حقوق کی خلاف ورزیوں کے حوالے سے مالی امداد کی مد میں جاری کئے گئے جن میں اغوائ، جنسی زیادتی، پولیس مقابلے، خواتین کی گرفتاریاں ، ماورائے عدالت ہلاکتوں اور تشدد جیسے واقعات کے متاثرین شامل ہیں۔صوبوں میں انسانی حقوق کی وزارت کے ریجنل ڈائریکٹرمختلف غیرسرکاری تنظیموں کے تعاون سے متاثرین کے ضروری اعدادوشمار اور درخواستیں جمع کرنے کیلئے کام کررہے ہیں تاکہ ان کے خاندان کو دس ہزار سے بیس ہزار تک کی رقم فراہم کی جاسکے ۔