ایران نے امریکہ کو خبردارکیاہے کہ وہ تیل کی فروخت کے لئے محفوظ راستے کے طورپر اس کے آبنائے ہرمز کے استعمال کی راہ میں روڑے اٹکانے سے گریزکرے۔
نیویارک میں ایشیا سوسائٹی سے خطاب میں ایرانی وزیرخارجہ جوادظریف نے کہاکہ اگرامریکہ نے ایران کے خلاف احمقانہ اقدامات کئے تو اسے ان کے نتائج کے لئے بھی تیاررہناچاہیے۔انہوں نے کہاکہ ایران خریدارتلاش کرکے آبنائے ہرمزکے راستے تیل کی فروخت جاری رکھے گا۔انہوں نے کہاکہ امریکہ ایران اورچھ عالمی طاقتوں کے درمیان 2015ء کے ایٹمی معاہدے کی حمایت پرمبنی قراردادکی خلاف ورزی کررہاہے اور دوسرے ملکوں کوایران کے ساتھ تجارتی روابط کی صورت میں سزاکی دھمکی دے رہاہے۔