مذہبی اموراوربین المذاہب ہم آہنگی کے وزیرپیرنورالحق قادری نے مختلف مکاتب فکرسے تعلق رکھنے والے سیاستدان اورعلمائے کرام پرزوردیاہے کہ وہ ملک دشمنوں کے خلاف حکومت کے ساتھ تعاون کریں۔
پشاورمیں استقبالیہ سے خطاب کرتے ہوئے وفاقی وزیرنے کہاکہ بدقسمتی سے بعض سیاستدان لوٹی دولت بچانے اوراپنے ذاتی مفادات کے لئے ملک میں انتشارپھیلاناچاہتے ہیں۔انہوں نے کہاکہ محب وطن سیاستدانوں اورمذہبی دانشوروں کو پاکستان کے خلاف سازشیں کرنے والے ملک دشمنوں کے خلاف اپناکرداراداکرناچاہیے۔انہوں نے کہاکہ حکومت کی پہلی ترجیح ملک میں سیاسی استحکام اورسلامتی ہے اور وہ کسی کو عدم استحکام پیدا کرنے نہیں دے گی۔