فائل فوٹو
وفاقی تعلیم کے وزیر شفقت محمود نے اعلان کیا ہے ملک بھر کے تعلیمی اداروں میں پیر سے پانچ روزہ باقاعدہ کلاسوں کا دوبارہ آغاز ہو گا۔
جمعرات کے روز ایک ٹویٹ میں انہوں نے کہا کہ اس فیصلے کا اطلاق ان شہروں کے تمام تعلیمی اداروں پر ہو گا جن میں کورونا وائرس کی عالمی وبا پر مشتمل پابندیاں عائد کی گئی تھیں۔وفاقی وزیر نے واضح کیا کہ تمام تعلیمی ادارے کورونا وائرس کے حفاظتی اقدامات پر عملدرآمد جاری رکھیں گے جن میں جسمانی فاصلے کو برقرار رکھنا، ماسک پہننا اور ہاتھ دھونے کی سہولت کو یقینی بنانا شامل ہے۔