دفاعی پیداوار کی وفاقی وزیرزبیدہ جلال نے کہاہے کہ پاکستان دفاعی پیداوار کے شعبے میں متحدہ عرب امارات کے ساتھ ملکرکام کرنے کاخواہاں ہے تاکہ موجودہ دوطرفہ تعلقات کوفروغ دیاجاسکے۔

وزارت دفاعی پیداوار کے بیان کے مطابق وفاقی وزیرنے متحدہ عرب امارات کی قیادت اور دوسرے غیرملکی وزراءکے ہمراہ Idex 2021نمائش کی افتتاحی تقریب میں شرکت کی اور متحدہ عرب امارات کے وزیرمملکت برائے دفاع محمد احمد Al-Bowardiکویہ پیغام پہنچایا۔

وفاقی وزیرنے متحدہ عرب امارات کی قیادت کووزیراعظم پاکستان کی طرف سے خیرسگالی کا پیغام پہنچایا۔متحدہ عرب امارات کے وزیرمملکت برائے دفاع نے نمائش میں بھرپورشرکت پر پاکستان کی حکومت کاشکریہ ادا کیا اوردفاعی پیداوار کے شعبے میں تعاون سمیت دوطرفہ تعلقات کے استحکام کے لئے اپنی حمایت کایقین دلایا۔