ایران نے کہاہے کہ اگرجوہری معاہدے پر ہونے والے مذاکرات میں پیشرفت ہوئی تو وہ امریکہ کے ساتھ براہ راست مذاکرات پررضامندہوسکتاہے۔ایران کے وزیرخارجہ حسین امیرعبداللہیان نے تہران میں پریس کانفرنس کرتے ہوئے ایران اورامریکہ کے درمیان براہ راست مذاکرات کے بارے میں ذرائع ابلاغ کی اطلاعات کی تردیدکی۔تاہم انہوں نے کہاکہ اگرٹھوس ضمانت کے ساتھ معاہدہ پرپیشرفت ہوتو امریکہ کے ساتھ براہ راست مذاکرات ہوسکتے ہیں اور ہم اس پرغورکریں گے۔
