نیٹو کے اتحادی ملکوں نے یوکرائن کے قریب روس کی فوج کی تعیناتی کے معاملے پر بڑھتی ہوئی کشیدگی کے باعث افواج کو چوکس کردیا ہے اور بحری جہازوں اور لڑاکا جنگی طیاروں کو یورپ کے مشرقی محاذوں پر بھیج دیا گیا ہے۔ امریکی صدر جوبائیڈن اور فرانس ، جرمنی، اٹلی، پولینڈ، برطانیہ اور یورپی یونین کے رہنماوں کے ساتھ آن لائن ملاقات کے بعدایک بیان میں نیٹو کے سیکرٹری جنرل Jens Stolten Berg نے خبردار کیا کہ اگر روس نے یوکرین پر حملہ کیا تو اسے سنگین نتائج بھگتنا ہوں گے۔ ادھر روس نے واضح کیا ہے کہ وہ یوکرین پر حملہ نہیں کرے گا اور امریکہ اس کے نیٹو اتحادیوں پر زوردیا کہ خطے میں مداخلت بند کرے اور اس کی سرحدوں سیدور رہیں۔ دوسری جانب روس اور یوکرین کے حکام کشیدگی میں کمی کیلئے فرانس اور جرمنی کے ہم منصبوں سے مذاکرات کیلئے آج پیرس میں ملاقات کررہے ہیں۔