وزیر خارجہ شاہ محمود قریشی نے معاشی سفارتکاری کے ذریعے پاکستان اور سری لنکا کے درمیان باہمی تجارتی تعلقات کو فروغ دینے پر زور دیا ہے۔
آج (بدھ)اسلام آباد میں سری لنکا کے لئے نامزد ہائی کمشنر عمر فاروق برکی سے گفتگو کرتے ہوئے انہوں نے کہا کہ پاکستان اور سری لنکا کے درمیان دوستانہ اور برادرانہ تعلقات قائم ہیں۔ادھر کمبوڈیا کے لئے نامزد سفیر ظہیر الدین بابر تھہیم سے گفتگو کرتے ہوئے وزیر خارجہ نے امید ظاہر کی کہ سفیر کمبوڈیا کے ساتھ مذہبی سیاحت اور معاشی تعلقات بہتر بنانے کیلئے کام کرینگے۔