پولیو کے خاتمے کیلئے قومی ٹاسک فورس نے اگلے دو سالوں کیلئے پولیو کے خلاف قومی ہنگامی لائحہ عمل کی منظوری دی ہے ۔
یہ منظوری آج (بدھ)وزیراعظم عمران خان کی زیر صدارت اسلام آباد میں ٹاسک فورس کے اجلاس میں دی گئی ۔وزیراعظم نے اس موقع پر گفتگو کرتے ہوئے ہدایت کی کہ زیادہ سے زیادہ رسائی اور موثر نتائج کے حصول کیلئے بیماری سے بچاؤ کے دیگر پروگرامز کو پولیو مہم سے منسلک کیاجاناچاہیے۔انہوں نے ملک بھر میں پولیو سے بچاؤ کی ویکسی نیشن مہمات کے دوران وسیع اورموثر اقدامات پر ضلعی انتظامیہ اور صوبائی حکومتوں کوسراہا۔وزیراعظم نے پاکستان میں پولیوکے خاتمے کی مہمات میں معاشی وتکنیکی معاونت پرعالمی ادارہ صحت اور یونیسیف سمیت عالمی شراکت داروں کا شکریہ ادا کیا ۔
