گلگت  بلتستان حکومت استوردیامر ڈویژن میں صحت کے شعبے کی متعدد ترقیاتی سکیموں پرعمل پیرا ہے ۔

آج گلگت میں ریڈیوپاکستان کے نمائندے سے گفتگو کرتے ہوئے محکمہ صحت کے ترجمان نے کہاکہ چلاس اور استور میں ضلعی ہیڈ کوارٹرز ہسپتالوں کو بہتربنایا جارہا ہے  ٹراما سنٹر  چلڈرن اور زچہ بچہ وارڈز کا تعمیراتی کام جاری ہے ۔

انہوں نے کہاکہ گوہر آباد ، CHORETH اور CHILEN میں دس، دس بستروں پر مشتمل ہسپتال کی عمارتوں کی تعمیر جلد مکمل کی جائے گی جبکہ بابوسر میں دس بستروں کے ہسپتال کیلئے اراضی حاصل کرلی گئی ہے۔