بجلی کے وزیر مملکت چوہدری عابد شیر علی نے بجلی کمپنیوں کے سربراہان کو ہدایت کی ہے کہ وہ تمام جاری منصوبے وقت سے پہلے مکمل کریں ۔

آج لاہور میں ایک اجلاس کی صدارت کرتے ہوئے انہوں نے کہاکہ موجودہ حکومت صارفین کو سستی توانائی کی دستیابی یقینی بنانے کیلئے تیل پر چلنے والے تمام مہنگے بجلی گھر بند کرنے کا ارادہ رکھتی ہے ۔

وزیر مملکت نے لوڈشیڈنگ پر قابو پانے کیلئے تمام متعلقہ شعبوں کی انتھک کوششوں کو سراہا اور کہاکہ اس وقت نظام میں زائد بجلی موجود ہے ۔

انہوں نے کہاکہ نظام کی بعض خرابیوں اور لائن لاسز کی وجہ سے بعض علاقوں میں لوڈشیڈنگ ہورہی ہے ۔

انہوں نے 500کلو واٹ پورٹ قاسم ٹرانسمیشن لائن کے فعال ہونے پر اطمینان ظاہر کیا اور نظام کی خرابیوں پر قابو پانے میں این ٹی ڈی سی اور ڈسکوز کی کار کر دگی کو سراہا ۔