وزیر اطلاعات ونشریات شبلی فراز نے اس عزم کا اعادہ کیاہے کہ حکومت بدعنوانی کے خلاف جاری جدوجہد سے پیچھے نہیں ہٹے گی ۔اپنے ایک ٹویٹ میں انہوں نے کہاکہ وزیراعظم عمران خان نے کرپٹ عناصر کے خلاف قوم کوجگایاہے۔انہوں نے کہاکہ پی ایم ایل این کی رہنما مریم نوازغصے سے بھری اور بوکھلاہٹ کا شکارہیں ۔شبلی فراز نے کہاکہ اخلاقی دیوالیہ پن کے شکار اور قانون کے مفرور ، جمہوریت کے علمبردار اور قوم کی رہنمائی کے اہل نہیں ہوسکتے ۔