بھارت کے غیر قانونی زیر قبضہ جموں وکشمیر میں کل جماعتی حریت کانفرنس اور دیگر حریت رہنمائوں اور تنظیموں نے نیویارک میں جاری اقوام متحدہ کی جنرل اسمبلی کے 75ویں اجلاس سے خطاب کے دوران تنازعہ کشمیر اٹھانے پر ترکی کے صدر رجب طیب اردوان کا شکریہ ادا کیا ہے۔ 

کل جماعتی حریت کانفرنس کے ترجمان نے سرینگر سے جاری ایک بیان میں کہاکہ صدراردوان کی تقریر بھارت کیلئے چشم کشا ہے کیونکہ عالمی برادری اب جموں وکشمیر پر اس کے جھوٹے بیانیے کو سننے کیلئے تیار نہیں۔ حریت رہنمائوں نے اقوام متحدہ کے سیکرٹری جنرل انتونیو گوتریس پر زور دیا کہ وہ تنازعہ کشمیر کو اقوام متحدہ کی متعلقہ قراردادوں کے مطابق حل کرانے میں اپنا کرداراداکریں۔