صدر ڈاکٹر عارف علوی نے طبی ماہرین پر زور دیا ہے کہ وہ امراض کی روک تھام کےلئے تحقیقی کام پر توجہ دیں۔
آج (پیر) اسلام آباد میں پہلی طبی تحقیق کانفرنس سے خطاب کرتے ہوئے انہوں نے کہا کہ پائیدار ترقیاتی اہداف کے حصول کے لئے بھی تحقیق اہم ہے۔
صدر نے کہا کہ احتیاط سے وبائی امراض سے بچا جاسکتا ہے اور ذرائع ابلاغ کو عوام میں شعور پیدا کرنے کے لئے مہم چلانی چاہیے۔
انہوں نے کہا کہ مہلک بیماریوں پر قابو پانے کے لئے غذائیت پر توجہ دی جانی چاہیے۔
