صدر ڈاکٹر عارف علوی نے کہاہے کہ کوئی بھی ظلم وستم بھارت کے خلاف کشمیریوں کے غم وغصے کو کم نہیں کرسکتا جو ہرقیمت پر آزادی چاہتے ہیں۔صدر نے ان خیالات کااظہار ٹویٹر پر ایک ویڈیو کے تناظر میں کیا جس میں دکھایا گیا کہ ہزاروں کشمیری جن میں مرد ، خواتین اور بچے شامل ہیں جمعہ کو بھارت جارحیت کے خلا ف سڑکوں پر نکل آئے ۔صدر نے ویڈیو میں اپنے تبصرے میں مزید کہاکہ یہ سری نگر ہے جہاں گزشتہ روز کرفیو پابندیوں اور مکمل بلیک آوٹ کے باوجود آنسو گیس اور فائرنگ کے مناظر دیکھے جاسکتے ہیں۔انہوں نے ٹویٹر میں اپنے بیس لاکھ فالوورز اور دوسرے پاکستانی شہریوں پر زوردیاکہ وہ اس ویڈیو کو دوبارہ ٹویٹ کریں تاکہ دنیا اس بارے جان سکے ۔