اطلاعات ونشریات کے بارے میں وزیراعظم کی خصوصی معاون ڈاکٹر فردوس عاشق اعوان نے کہا ہے کہ سندھ اور بلوچستان سے الیکشن کمیشن کے دو نئے ارکان کا تقرر آئین میں درج طریقہ کار کے مطابق کیاگیا ہے۔آج ایک ٹویٹ میں انہوں نے کہاکہ حکومت کی طرف سے مقرر کئے گئے دو نئے ارکان دیانتدار اور قانونی ماہرہیں اور ملکی کی تمام بار ایسوسی ایشنوں اور کونسلوں نے ان کی تقرری کی حمایت کی ہے ۔انہوں نے کہا کہ قانون کے مطابق چیف الیکشن کمشنر ان سے حلف لینے سے انکار نہیں کرسکتے۔