صدر ڈاکٹر عارف علوی نے کہا ہے کہ ملک کی تیز تر بنیادوں پرترقی کے اہداف کے حصول کیلئے ہنرمند افرادی قوت انتہائی اہمیت کی حامل ہے ۔
جمعرات کے روز اسلام آباد میں کامیاب جوان پروگرام کے تحت چیک اورسرٹیفیکیٹ کی تقسیم کے حوالے سے تقریب سے خطاب کرتے ہوئے صدر نے کہاکہ نوجوانوں کی صلاحیتوں کو ملک کے بہتر میں مفاد میں استعمال کرنے کی ضرورت ہے ۔انہوں نے چوتھے صنعتی انقلاب کیلئے نوجوانوں کی تیاری کی ضرورت پر بھی زوردیا ۔صدر نے کہاکہ عوام کو سماجی اور اقتصادی ترقی کی سہولیات فراہم کرنا حکومت کی ذمہ داری ہے۔صدر نے کہاکہ کامیاب جوان پروگرام نوجوانوں کو زندگی میں آگے بڑھنے کیلئے کاروبار کے موقع فراہم کرنے کیلئے اہم کردار ادا کررہا ہے ۔انہوں نے تیز تر ترقی کی راہ ہموار کرنے کیلئے مصنوعی ذہانت اور کمپیوٹنگ جیسے پروگراموں کا دائرہ کار بڑھانے کی ضرورت پرزوردیا ۔
