وزیر خزانہ شوکت ترین نے کہا ہے کہ حکومت خیبرپختونخوا میں ضم کئے گئے اضلاع کی امن، خوشحالی اور ترقی کیلئے وزیراعظم کی قیادت میں پرعزم ہے۔وہ جمعرات کے روز اسلام آباد میں سابقہ فاٹا کے صنعتی نمائندوں کے وفد کے ساتھ ایک اجلاس کی صدارت کر رہے تھے۔وزیرخزانہ نے کہا کہ وزیراعظم کے وژن کے مطابق ضم شدہ قبائلی اضلاع میں ترقی کا عمل بھرپور انداز میں جاری ہے۔ انہوں نے کہا کہ وزیراعظم نے ضم شدہ اضلاع کی صنعتوں کو درپیش کے مسائل کے حل کیلئے پہلے ہی ہدایت دے رکھی ہے کیونکہ کسی بھی علاقے کی ترقی کے لئے صنعتیں اہم ہوتی ہیں۔