برطانیہ کی وزیراعظم تھریسامے نے اگلے ماہ کی سات تاریخ کو کنزرویٹو پارٹی کی قیادت چھوڑنے کا اعلان کیا ہے جس نئے وزیراعظم کا فیصلہ کرنے کیلئے مقابلے کی راہ ہموار ہوگئی ہے۔ٹین ڈائوننگ سٹریٹ سے جاری ایک بیان میں تھریسامے نے کہاکہ انہوں نے 2016 کے یورپی یونین سے انخلاء کے ریفرنڈم کے نتائج پر عمل درآمد کیلئے ہرممکن کوشش کی ۔انہوں نے کہاکہ یہ بات انتہائی افسوس ناک ہے کہ وہ یورپی یونین سے علیحدگی کا عمل مکمل نہ کرسکیں ۔تھریسامے نے کہاکہ کنزرویٹو پارٹی کی نئی قیادت کے انتخابات تک وہ وزیراعظم کی حیثیت سے کام کرتی رہے گی ۔